Nagapati ro sangka political analyst sa Aklan nga makapasa ag makabuoe it boto sa Kongreso ro ika ap-at nga impeachment complaint kontra kay Vice President Sara Duterte matapos nga kabigon raya nga sufficiency in form ag gina-insister it pilang kongresista nga kinahang-ean eon raya nga mahueag.
Suno kay Atty. Harry Sucgang, majority ro kaalyado it administrasyong Marcos Jr. sa Kamara rason nga may posibilidad nga maipasaka sa Senado ro reklamo.
Apang, duda imaw kon makalusot raya sa senate bangud nga may mga senador nga nagapabor ag nagakonsidera gihapon sa bise presidente.
Ginatan-aw ni Atty. Sucgang nga kon sin-o man ro magboto sa reklamong impeachment kontra kay Duterte hay siguraduhon it mga raya nga inde makabuoe it boto sa rehiyon it Mindanao sa paaeabuton nga eleksyon.
Gin-insister dugang ni Atty. Sucgang nga mabuoe sa kongreso ro 1/3 nga boto kontra kay VP Sara apang makaangkon it problema ag mahaba-habang deliberasyon pag-abot sa Senado.
