Ginrekomenda ni Senate Impeachment Court presiding officer Chiz Escudero nga bag-uhon ro schedule it impeachment trial.
Sa anang podcast nga Chiz Wiz, ginsuhestiyun ni Escudero nga isaylo sa agahon ro impeachment trial, umpisa alas-9:00 it agahon hasta alas-2:00 sa hapon kada Lunes hasta Miyerkules.
Raya hay igapatuman kon mag-umpisa eon ro second regular session it 20th Congress sa July 27 ukon pagkatapos it State of the Nation Address (SONA) it presidente.
Pag-abot man it alas-3:00 sa hapon, pagasundan man raya it session it Senado nga Lunes hasta Miyerkules man.
Sa raya nga pamaagi, mabakante ro Huwebes para sa pagpatigayon it mga hearing partikular eon sa hagna nga budget para sa 2027.
Mag-eowas kara, ginarekomendar ni Escudero ro posibilidad nga suspendihon ro sesyon sa hapon kon owa man it mabahoe nga agenda agud taw-an it tiempo ro iba pa nga mga hearing.
