Ginaeauman nga maga-umpisa eon sa Hulyo 6 ro impeachment trial ni Vice President Sara Duterte, kasunod it caucus sa mga senador, suno kay Senador Erwin Tulfo.
Ginpahayag ni Tulfo nga ginatalakay eon ni Senate President Alan Peter Cayetano ro proposed schedule sa mga miyembro it Senado.
Suno kay Tulfo, magapatigayon it regular nga sesyon ro Senado sa agahon antes ro pagpamati sa impeachment trial it hapon, umpisa Lunes hasta Miyerkules.
Samtang, ginapamaeabagan man ni Tulfo ro proposal ni Senador Rodante Marcoleta nga pasugtan si Senador Ronald “Bato” Dela Rosa nga magboto sa impeachment proceedings maskin nga bukon raya it ‘physically present.
Ro remote participation sigon hay ginapasugtan eamang ko COVID-19 pandemic bangud sa lockdown restrictions.
Samtang, ginahueat pa it mga senador ro desisyon ni Cayetano ag liderato it Senado angot sa sabat it kapueungan matapos pamalibaran it Korte Suprema ro hinyu ni Dela Rosa para sa temporary restraining order kontra sa warrant it ICC.
