Implementing rules and regulation it simcard registration law, ginapadasigan eon it Department of Justice

Bilog ro pagpati ni Justice Secretary Jesus Crispin Boying Remulla nga mabahoe ro maibulig it sim card registration law sa nasyon kontra online sexual abuse and child exploitation.

Bangud kara, ginapadasigan eon ni Remulla sa Kongreso ro pagbaeay it Implementing Rules and Regulation (IRR) it nasambit nga laye agud nga insigidang maipatuman.

Sa oras sigon nga mapatuman eon ro sim card registration law hay mas magiging madali eon nga makilaea kung sin-o ro una sa likod it mga iligal nga hilimuon.

Nag-ugat ro pahayag ni Remulla matapos ro pakikipag-istorya kara kay United Nations (UN) Special Rapporteur on the sale and sexual exploitation of children Mama Fatima Singhateh.