KALIBO, Aklan—Ginpaathag it sangka eksperto nga importanteng makaangkon it bastante kasayuran sa tamang pag-alaga it eawas eabi eon kung may ginabatyag nga sakit ukon bukoe nga nagatubo sa dughan.
Partikular nga gintumod ni Dr. Mark Agana, sangka oncologist ro sakit nga breast cancer sa mga kababayin-an ag maskin kaeaeakin-an.
Ro breast cancer suno kana hay sangka malignat ukon tumor nga nagatubo sa dughan it sangka tawo.
Sa mayad nga swerte, ro breast cancer hay posibleng mapamayad kung temprano raya nga madiskubrehan gamit ro breast cancer screening ag pagkatapos magpaidaeom sa therapy ukon operasyon.
Napupunggan man ro pagkalhit it cancer cells sa eawas pinaagi sa maidid nga pag-inom it mga bueong.
Kaibahan sa mga sintomas it breast cancer hay ro pag-angkon it kakaibang bukoe sa suso, gulping pag-angkon it inverted nipple, pagtuklap it panit sa may nipple ag pag-iba it shape it susu.
Engkaso nga makabatyag it anuman sa mga sintomas hay insigida nga magpakonsulta sa doktor para maisalang sa mammogram nga nagabulig sa pagtumod it mga tumor sa suso.
