KALIBO, Aklan—Importante ro pagpatigayun it massive information campaign angot sa mga bakuna kontra Coronavirus Disease 2019 ukon COVID-19.
Suno kay Dr. Cornelio Cuatchon Jr., it Provincial Health Office ukon PHO-Aklan nga dapat makaangkon it bastante nga kasayuran ro publiko angot sa manami nga epekto it bakuna sa eawas it sangka indibidwal.
Suno kana, ro vaccine hay mabahoe ro maibulig sa pag-prevent it sakit kamana man nga mataas ro efficacy rate it kada bakuna para ma-prevent ro transmission it virus.
Engkaso sigon nga tamaan it COVID-19 ro sangka tawo nga nabakunahan eon hay mabahoe ro tyansa nga mild symptoms eamang ro mabatygan kara.
Sa pihak kara, nagapati man si Dr. Cuatchon nga mas ma-engganyo ro publiko nga magpabakuna kung maunang magapaturok ro mga opisyal it gobyerno.
Raya sigon ro magatao it kumpiyansa sa publiko nga magpabakuna.
Nasayuran nga maabo sa mga Filipino ro owa naila magpaturok it COVID-19 vaccine daea it pagkabaeaka sa posibleng side effect kara ag manaba nga efficacy rate it bakuna.
