Bangud sa importasyon ag pag-umpisa it anihan sa rehiyon it Luzon, nabatyagan ro paghueag ko presyo it sibuyas sa merkado publiko.
Raya hay matapos nga nagnaba sa P300-P350 pesos ro kada kilo halin sa dati nga P450-P550 pesos kada kilo.
Suno kay Roselyn Relado, focal person sa price monitoring it Office of the Provincial Agriculturist nga posibleng maganaba pa gid ro nasambit nga presyo kon makaabot eon sa banwa it Kalibo ro ibang ani it onion farmer maghalin sa Luzon.
Samtang, pag-abot mat-a sa bawang hay nataeopangdan ro pagtaas kara it kapin sa napueong pesos kon sa siin mabakae ro bawang sa P90 pesos kada kilo halin sa dating presyo nga P80 pesos kada kilo.
Kamana man sa ibang panakot hay nagapabilin sa dating presyo nga masarangan it mga bumaeakae.
Sa pihak nga parte, pag-abot sa mga tinuean-on hay may bastanteng supply it mga nagkaeain-eain nga tinuea nga mabakae it mga nagapanindahan.
Kapareho man sa karne ag isda kon sa siin may galunggong nga mabakae sa P200 pesos ro kada kilo mag-eowas eon lang sa mga isda nga inde pa madakop makaron it mga mangingisda bangud nga peligroso pa para kanda nga magpaeot bangud sa maeain nga panyempo.
