Imported nga sibuyas nag-abot eon sa nasyon

Nag-abot eon sa nasyon ro mga imported nga sibuyas ag raya hay posibleng ibaligya sa merkado sa mga masunod nga adlaw.

Suno kay Bureau of Plant and Industry Director Glenn Panganiban, naga-abot sa 16 container nga puting sibuyas ag 32 container nga pueang sibuyas ro nag-abot ko weekends.

Presente raya nga naga-agi sa second border inspection para masiguro nga euwas raya nga ikonsumo.

Ginaeauman nga sa adlaw it Biyernes hay mabakae eon ro nasambit nga mga sibuyas sa mga merkado.

Aminado man ro opisyal nga owa natyempo ro pag-angkat it gobyerno sa mga sibuyas bangud harvest season eon sa nasyon.