Ginatun-an it gobyerno nga magpatigayon gihapon it pagbakuna kontra sa COVID-19 para sa mga estudyante sa mga eskwelahan sa elementarya ag sekondarya.
Raya hay para mapataas ro vaccination coverage nga nakikitang makabulig sa uman nga pagbalik it face to face classes.
May kaangtanan kara, nagta-o it direktiba si Vaccine czar Carlito Galvez para himuon nga available ro mga bakuna para sa tanan nga mga estudyante.
May nakapondong suplay it bakuna nga 10 million doses para sa pediatric age population nga madaling maipanupod sa tanan nga eskwelahan.
Ro nasambit nga proposisyon para sa in-school vaccination hay ginpaguwa it opisyal matapos nga ginreport ni Education Secretary Leonor Briones nga 5.47% it pribadong eskwelahan sa nasyon ro nagapatigayon it limited in person classes.
