KALIBO, Aklan—Sektor it agrikultura ag turismo ro nagapangunang prayoridad it incoming governor it probinsya it Aklan.
Sa naging diskurso ni governor elect Jose Enrique “Joen” Miraflores, gin-insister kara nga magiging parayoridad it anang administrasyon ro pagpaumwad sa mga mangunguma ag mangingisda kon siin mga produkto dapat nanda ro naga-supply sa isla it Boracay.
Nasayuran sigon kara nga sa ibang probinsya pa nagabueo it mga produkto ro mga tag-iya it hotels ag restaurant rason nga ginpasiguro nana ro programa nga makabulig sa sektor it agrikultura kadungan sa pagpabaskog sa industriya it turismo.
Pagatinguhaon sigon nana nga mapadayon ro amat-amat nga pagsanyog it turismo sa Boracay maskin nga una gihapon ro nasyon sa tunga it pandemya.
Sa raya nga pamaagi hay maibalik ro pangabuhian it mga tumandok kamana man makabalik ro mga aklanong hoteliers nga temporaryong nawad-an it trabaho bangud sa pandemya.
