Target ni incoming Migrant Workers Secretary Susan “toots” Ople nga i-review ro hiring system sa mga Overseas Filipino Workers (OFWs).
Ginapunto ni Ople nga may problema sa sistema may kaangtanan sa pag-hire it mga overseas Filipino workers sa poder it “bad employers”.
Gusto sigon nana nga maayos ro tanan nga sistema rason nga kinahangean nga maid-id gid ro hiring system sa mga OFWs.
Suno pa kay Ople, ro maging unang agenda nana sa oras nga pormal eon magapungko sa anang opisina ro pagpatigayon it konsultasyon kaibahan ro mga stakeholders partikular eon ro mga OFW para sa pagbilog it common vision para sa departamento.
Sa pihak nga parte, madumduma nga ku nagtaliwa nga Lunes , ginpahayag ni Atty. Vic Rodriguez ro chief-of-staff ni presumptive president Ferdinand “Bongbong” Marcos Jr nga ginbaton eon ni Ople ro posisyon sa pagdumaea sa Department of Migrant Workers sa idaeom it bag-ongadministrasyon.
