Masadya nga ginbaton it Commission on Human Rights ro panawagan ni incoming National Security Adviser Dr. Clarita Carlos nga tapuson eon ro red-tagging, ag pagpahayag it suporta para sa anang ginasumite para sa gobyerno nga tan-awon ro “inequality” nga nagtuga it insurhensya.
Ginpahayag ni CHR executive director Atty. Jacqueline de Guia nga puwideg pagamiton ro red-tagging para himuon nga lehitimong target ro mga “kaaway it estado”.
Suno kay De Guia, mabuhay eon nga nagpaandam ro CHR kontra sa mga halit nga tuga it red-tagging, nga nagresulta sa harrassment ag pagsueod sa right to privacy, nga posibleng maging rason it unlawful arrests ag maging it mga pagpatay.
Mabahoe ro igabulig it pagpatuman it laye nga nagabawae sa red-tagging sa pagprotekta sa kabuhi, kalayaan, ag seguridad it nagakaeain-eain nga indibidwal ag grupo, kapin eon ro mga bukon it patas .
Samtang, ginbato man ni De Guia ro suhesiyon maghalin kay Dr. Carlos nga sanayon it gobyerno ro mga pagsabat kara sa mga bukon it patas ag kakueangan it mga kahigayunan nga naging rason it insurhensya.
