Ginpangaeanan it North Korea ro sangka nagapanguna nga nuclear negotiator bilang unang babayeng foreign minister it nasyon.
Raya hay sa tunga it mga pagpaandam maghalin sa US nga nagapahaum ro Pyongyang nga magpatigayon it nuclear test.
Ro career diplomat nga si Choe Son Hui (Che San Hi) hay ginkilaea sa sangka plenary meeting it Central Committee it Workers’ Party nga ginapangunahan it North Korean leader nga si Kim Jong Un.
Ro anang appointment hay natigayon nga mag-abot sa tyempo it tensyon sa Korean Peninsula samtang ro North Korea hay agresibong ginapabaskog ro programa kara sa weapons testing bilang pagpamalibad sa mga parusa it United Nations.
Mataeopangdan nga ku nagtaliwan nga Martes, hay nagpaandam si US Special Representative for North Korea Policy Sung Kim nga nagapati ro Washington nga nagapahaum eon ro North Korea nga magpatigayon it ikapitong nuclear test — nga kung siin raya ro maging una umpisa ku nagtaliwan nga 2017.
Sa pihak nga parte, madumduman nga ro North Korea hay nagpatigayon it 17 missile launches makaron nga dag-on eamang, kaibahan ro daywang madinaeag-on nga pagtesting it ginakabig nga intercontinental ballistic missiles.
