Nakapanumpa eon si Inday Sara Duterte-Carpion bilang ika-15 nga bise presidente it Republika it Pilipinas.
Nagpanumpa raya sa printe ni Supreme Court Associate Justice Ramon Paul Hernando sa San Pedro Square sa Davao City.
Naka green Filipiniana nga gindisenyo ni Davao-based designer Silverio Anglacer si Duterte-Carpio.
Kaibahan man ni VP elect sa pagpanumpa ro anang amang si outgoing President Rodrigo Duterte ag ro ina nga si Elizabeth Zimmerman nga nagbuyot it bibliya samtang imaw hay nagapanumpa.
Nagtambong man sa nasambit nga inagurasyon ro anang running mate ku nagtaliwan nga Mayo 9 elections nga si President-elect Ferdinand “Bongbong” Marcos Jr maging si dating Pangulong Gloria Macapagal-Arroyo.
Pagkatapos magpanumpa hay ginpirmahan man ni Duterte-Carpio ro anang oath of office ag gilayon nga naghatod it mensahe ukon ro anang inaugural address nga kung siin gin-engganyo ni Inday Sara ro mga Pilipino nga padayunon nga palanggaon ro Pilipinas ag padayon nga makigbuylog sa kada isaea.
