KALIBO, Aklan—Sa pihak it magkasunod nga nailistang kaso it sa Coronavirus Disease 2019 ukon COVID-19 sa probinsya it Aklan, nagpanugyan si Dr. Rey Libaquin sa publiko nga indi magpakueba ag magsunod eamang sa mga ginpatuman nga minimum health standard it health authorities.
Ginduea man kara ro kabaeaka it publiko angot sa ginapanan-aw nga local transmission bangud suno kana hay owa raya it kamatuoran.
Raya hay kasunod it kumpirmasyon nga ginpagguwa it Dr. Rafael S. Tumbukon Memorial Hospital kon sa siin ko adlaw it Martes hay nagpostibo sa RT-PCR test ro sambilog sa andang laboratory staff nga sangka 22-anyos nga babaye nga residente it banwang Kalibo.
Kahapon hay uman sandang nagkumpirma it an-om ka mga panibag-ong kaso it sakit nga ginakaeakipan it ap-at ka mga medical technologist, sambilog nga encoder ag sangka utility worker ag parehong owa it travel history.
Kinahang-ean eamang sigon nga maging responsable kita ag unahon ro pag-prevent sa maskin nga ano nmasakit.
Kaibahan eon kara ro pagpabaskog it atun nga mga resistensya agud nga indi kita madali kapyutan it sakit kamana man nga mapaeayo kita sa paeag it COVID-19.
