Inde pwede maging presidente si Vice President Sara Duterte.
Raya ro sabat ni former Alliance of Concerned Teacher (ACT) Partylist representative France Castro sa pagkutana it Bombo Radyo kasunod it naging anunsyo it bise presidente sa anang kandidatura para sa 2028 presidential elections.
Ginpaathag it dating mamalidha ro anang rason kon sa siin nagakinahang-ean it mataas nga integridad ag may accountability ro dapat nga magpamuno sa nasyon.
Apang sa pagkatawo ni VP Sara hay inde imaw makitaan it raya nga character rason nga kwestyonable para kanda kon maging presidente gidman si Duterte.
Mismong ro anang confidential fund kat imaw pa ro sekretarya it Department of Education hay inde eon nana maipaathag sa publiko kon sa siin nana raya ginwaldas rason nga nagakabaeaka sanda nga base kon maging presidente ro opisyal hay masobra pa kara ro anang pagaobrahon.
