KALIBO, Aklan–Pabor si Bombo International Correspondent Greg Aguilar it California, USA sa naging pahayag ni Pangueong Ferdinand “Bongbong” Marcos Jr. nga indi anay pag-activate it 1951 Mutual Defense Treaty it Amerika ag Pilipinas.
Raya hay kasunod it military-grade laser incident sa West Philippine Sea.
Nasayuran nga sa idaeom it 1951 MDT, nagpromisa ro Estados Unidos ag Pilipinas it alyansa engkaso nga may una nga paeag it armdong pag-atake sa public vessel, tropa ukon airship.
Nagapati si Aguilar nga ro naging panindugan it pangueo hay makabulig agud nga mabawasan ro pag-grabe it tensyon sa gina-agawan nga teritoryo.
Nagaeaum man raya nga makaangkon it manami nga resulta ro nakataeana nga pakikipagkita ni US Secretary of State Anthony Blinken sa Chinese Foreign Minister sa Germany.
Madumduman nga nauna eon nga ginreport it Philippine Coast Guard (PCG) nga gintutukan sanda it Chinese Coast Guard it lasers nga nagtuga it temporaryong pagkabulag sa andang crew nga daywang beses eon nga natabo.
