Sa Agosto, balik eon sa face-to-face classes ro mga estudyante.
Ensakto ro pagbukas it school year nga bag-o eon ro DepEd secretary sa pagkatawo ni Vice President Sara Duterte.
Imaw ro unang miyembro it Gabinete nga gin-appoint ni president-elect Ferdinand Marcos Jr.
Ko nagtaliwan nga domingo, ginpahayag ni Sara nga eubusan nana nga igapatuman ro face-to-face sa pagbukas it school year.
Masobra sa daywang dag-on nga napundo ro face to face bangud sa pandemya ag naging online ro sistema it edukasyon.
Sa pagpungko ni Sara sa DepEd, maabu imaw nga dapat ayuson ag unang-una kara ro kahimtangan it mga manugturo.
Maabu nga manugturo ro nagareklamo bangud sa manaba nga sweldo.
Problema man ro kalidad it edukasyon sa makaron.
Sa sangka pagtuon, nasayuran nga may mga unga nga naga edad it waeo ro indi pa maka-intigo nga magbasa ag magsueat.
Ro makarondaya nga problema hay dapat nga mausuyan it solusyon it bag-ong DepEd secretary.
Naaywan eon eon ro mga estudyanteng Pinoy sa patag it Math ag Science.
Usuyon ro ugat it nasambit nga problema.
Posibleng kueang man sa mga mayad nga manugturo rason nga raya hay natabu.
Sambilog pa sa mabahoe nga problema it DepEd hay ro corruption.
Indi dapat magmadali si Sara sa isyu it pagbalik it ROTC.
Mas importante nga matutukan ro kahimtangan it mga manugturo ag ro kalidad it edukasyon.
Sa ulihi eon lang ro isyu sa ROTC bangud nga bukon man raya it masyadong importante.
Iprayoridad ro kahimtangan it mga manugturo ag ro kalidad it edukasyon.
