Health News——-Gina engganyo it Philippine Pediatric Society ro mga ginikanan nga pabakunahan ro mga unga kontra sa tipdas – sa atubang it kahadlok nga nabatyagan it pilang mga ginikanan nga mag agto sa mga ospital bangud man sa COVID-19 pandemic.
Ginpahayag it Philippine Pediatric Society nga indi dapat ipaiway ro pagpabakuna bangud sa mga komplikasyong puwedeng ituga it tipdas .
Nahadlok sigon sanda nga mag agto sa mga ospital ukon health center para magpabakuna bangud sa kahadlok sa pandemya.
Nauna eon nga ginpahayag it Department of Health (DOH) nga posibleng makaangkon it tipdas outbreak pag-abot it dag-on 2021.
Ro tipdas hay makataeapon nga sakit nga daea it measles virus.
Pila sa mga sintomas kara hay eagnat, ubo ag sip-on, nagapuea nga mga mata, ag butlig sa eawas suno sa DOH.
Gina engganyo it mga opisyal it DOH ro publiko nga magpabakuna para malikawan nga makabo-oe it nasambit nga sakit.
