KALIBO, Aklan–Magpalangga nga owa it ginapangayo nga anumang kondisyon.
Raya ro ginpaathag ni Fr. Tudd Belandres, Parish Moderator it St. John the Baptist Cathedral kadungan it pagselebrar it Valentine’s Day.
Suno kana, owa dapat ginabase ro pagpalangga sa kung ano ro imong mabuoe sa sangka tawo sa baylo hay kung ano ro imong maitao para kana.
Indi sigon dapat nga maging selfish bangud kinahang-ean nga maging maalwan eabi eon sa paggiya sa kamaeayran it kada isaea.
Dapat sigon hay adlaw-adlaw nga ginapabatyag natun sa atun mga pinalangga sa kabuhi ro pagiging espesyal ag bukon eamang it sa kada may okasyon kapareho it adlaw it mga tagipusuon.
Importante man suno kana ro pagpalangga sa kaugalingon bangud raya hay sambilog sa basehan nga sarang natun nga magpalangga sa atun nga kahagugma ukon isigkatawo.
Nagtao man it laygay si Fr. Tudd sa mga couple nga naga-agi it kalisod sa andang relasyon nga ipabilin ro komunikasyon ag maging bukas sa pagpamati it eksplinasyon.
