KALIBO, Aklan — Nagapati si Department of Tourism (DoT) regional director Helen Catalbas na makakabuti sa isla it Boracay ro rekomendasyon it inter-agency task force nga maximum nga sang dag-un nga pagpapasara sa isla.
Makabig sigon rayang temporaryong sakripisyo, apang paniguradong may mayad nga bunga sa ulihi.
Gin klaro ni Atty. Catalbas nga sa recommendation stage pa eamang sa makaron ag owa pa it declaration.
Apela kara sa publiko nga indi mag-panic ag hueaton eon lang ro official declaration maghalin kay Pangueong Rodrigo Duterte.
Gin pahayag dugang pa ni Catalbas nga iga sarado eamang ro Boracay bilang tourist destination agud mapadasig ro rehabilitasyon ag maibalik ro dating kanami it isla.
Bangud sa kakaibang atraksyon sigon it isla, siguradong magabalik ro mga turista sa uman nga pagbukas kara.
Engkasong indi maayos ag malimpiyuhan ro Boracay, haeos 10 dag-un eon lang suno kana ro iga buhay kara.
