Ginkumpirma it Department of Health (DOH) nga may natumod eon nga unang kaso it Monkeypox virus sa Pilipinas.
Suno sa pahayag, ro pasyente hay sangka 31-anyos nga Pinoy nga naghalin sa ibang nasyon ko Hulyo 19 nga sa makaron hay naka-isolate eon.
Nasayuran nga positibo sa nasambit nga sakit ro pasyente matapos magpaidaeum sa RT-PCR test it DOH Institute for Tropical Medicine.
Nakumpleto eon sigon ro case investigation kara ag identification it close contacts it pasyente nga nag-abot sa 10 kun sa siin tatlo kanda hay naga-istar sa parehong baeay it nagpositibo.
Ginasugid nga pinaka-peligroso ro Monkeypox sa mga ‘vulnerable sector’.
Ro laygay man it natungdan , mag-dahan gihapon ro tanan.
Indi dapat mahadlok ukon mataranta kundi maging alerto ag magsunod sa mga protocols agud nga makalikaw sa sakit.
Ginahinyu man nga indi basta nga magpati sa mga sa mga ginabasa, eabi eon online.
Nasayuran naton nga kon ano ka-grabe ro fake news kon may makarondaya nga sitwasyon.
Sa baylo nga magbulig, nagadaea pa it problema.
Mag-eowas sa pagsukoe sa COVID-19 ag Monkeypox, kinahangean man nga suk-ean ro mga pasimuno it fake news.
Panawagan sa mga awtoridad ag sa mga social media platforms, kabuligan naton nga matapna ro mga pasaway.
Sa uman magdahan, sayuron ro mga dapat obrahon agud nga makalikaw sa Monkeypox ag sundon ro mga laygay agud nga magmayad ag indi eon makatapon engkaso nga makaangkon kara.
