KALIBO, Aklan – – – Binawian it hueam nga kinabuhi ro sangka 33 anyos nga indian national samtang gina tinguhaan nga i-revive sa sangka pribadong klinika sa isla it Boracay.
Ro foreign tourist hay gin kilaeang si Vanani Gaidep nga nasapwan eon lang it sangka staff it resort nga nahamtang sa brgy. Balabag, Boracay nga sa saeog eon raya it anang kwarto ag naga huray-ag.
Gina sugid nga haeos sang adlaw raya nga nakagowa rason nga gin desideran it mga staff nga sudlon raya agud chekyaron.
gin tabangan sigon raya it sambilog pang guest nga sangka nurse ag gilayon nga gin daea sa doctor matapos nga may una pang pulso apang, tumaliwan pagtaliwan it pilang minutos.
Sa makaron hay padayun pang gina determina ro kabangdanan it anang hinali nga kamatayun.
Nasayuran nga daywang adlaw pa eamang nga naka-check in si Vanani sa nasambitan nga resort.
