SPORTS News — Nagpahayag it kahauman ro Indonesia nga maga-host it Olympics sa 2036 sa andang bag-o nga capital city.
Raya ro ginpahayag it andang chef de mission sa Paris games nga si Anindya Bakrie.
Suno kay Bakrie, nakita nanda ro mabahoe nga bulig it Olympics sa padayon nga pagpabaskog it andang nasyon.
“We really want to welcome the 206 countries (of the world) to our country… I think there is no other way to welcome all of them than doing it via sports, especially the holy grail of sports, the Olympics,” kaprte it pahayag ni Bakrie.
Ro Indonesia hay sambilog sa mga ginakabig makaron nga “most populous countries” nga ginaeakipan it 275 million population ag may linibo nga mga isla.
Sa makaron nga dag-on, 29 ro representante it Indonesia sa Paris Olympics kun sa siin nagapangibabaw sanda sa badminton, sport climbing ag weightlifting.
Kaibahan man sa andang plano suno kay Bakrie hay ro pagpakilaea it andang bag-o nga capital city nga Nusantara nga nahamtang sa East Borneo, kabaylo it makasaysayan nga Jakarta.
