Kalibo Aklan ——-Nagapabilin nga maeuya ro industriya it turismo sa Isla it Boracay.
Suno kay Malay Mayor Frolibar Bautista nga raya hay bangud sa mga restrictions nga ginapatuman ag puro mga taga Western Visayas pa eamang ro ginapasugtan nga makabakasyon.
Ko nagtaliwan nga Agosto 1 hasta 8, nakalista eamang sanda it tourist arrivals nga 459.
Mag-eowas sa turismo bagsak man ro biyahe sa Isla.
Kaabuan man sigon sa mga shops hay temporaryong nagsarado.
Sa pihak nga parte, nakabulig sigon ro pagpatad-od it curfew hours sa mga turista sa Isla agud nga mas pang ma enjoy ro andang pagbakasyon.
Kumpara ko nagtaliwan nga dag-on nga naga abot sa 5,600 kada adlaw ro andang bisita rason nga eubus nga nabatyagan ro epekto makaron nga daea it coronavirus disease 2019 (COVID-19).
Ginpahayag pa nga puro mga turista nga halin sa ibang nasyon ro mas nagadayo ag sangkiri eamang ro mga Pinoy.
