Nagbaskog eon ro industriya it turismo sa Tonga matapos ro pagpanaeasa it pandemya.
Raya hay kasunod it paghaeoga it travel restriction kon sa siin bukas eon ro mga turista maghalin sa nagkaeain-eain nga nasyon nga sumueod sa Tonga.
Apang, suno kay Bombo International Correspondent Merelyn Concolacion-Tundag nga nagapabilin nga una sa recovery status ro nasyon matapos ro mabahoe nga epekto it pandemya.
Nakabalik eon suno kana ro mga empleyado sa andang mga trabaho apang bukon pa it syento porsyento nga nakarecover ro nasyon.
Mag-eowas kara, nabubuhi ro mga Tongan sa rootcrops nga nagapangunang produkto it nasyon.
Uwa sigon it riceland ro nasyon rason nga naga-import sanda it bugas sa mga kaeapit nga nasyon.
Bangud kara, maabong negosyanteng pag-import it bugas ro andang negosyo rason nga may mabakae gihapon nga bugas ag puro imported.
Mahae ro presyo apang masarangan man gihapon it mga Tongan nga bak-eon.
