NATIONAL News — Nagaeaum ro Bangko Sentral ng Pilipinas (BSP) nga maganaba ro inflation rate sa nasyon it daywa hasta ap-at nga porsyento sa masunod nga buean hasta sa 2025 nga nakasueod sa target it gobyerno.
Gin-umpisahan eon it Senate Committee on Finance ro briefing it Development Budget Coordination Committee kon sa siin gintumod ni BSP Governor Eli Remolona nga mabahoe ro benepisyo it nasambit nga tikang angot sa pagbuhin sa presyo it bugas matapos ginpatuman ro Executive Order 62 ukon ro pagbuhin it taripa sa mga gina-import nga bugas.
Suno sa BSP, maabu sa mga bangko ro ‘’in very good shape’’ ag ‘’highly liquid’’.
Ginkumpirma man it opisyal nga mayad makaron ro estado it international reserves it nasyon.
Ginpahayag ni Remolona nga ko nagtaliwan nga limang dag-on, nakataeana sa $11 billion ro average international reserves it Pilipinas ag makaron nga 2024, naga-abot eon raya sa 106 billion dollars.
Samtang, ginaeauman man it BSP nga magapabilin ro presyo it Dubai crude oil sa $65 hasta $85 per barrel ag ro exchange rate it peso nga maga-sentro sa P55 hasta P58.
