KALIBO, Aklan—Nagtaas ro inflation sa bilog nga probinsya it Aklan ko buean it Agosto.
Raya hay suno kay Senior Statistical Specialist Peter S. Mangilog it Philippine Statistics Authority ukon PSA Aklan sa interview it Bombo Radyo.
Suno kana, ro inflation hay ro pagtaas sa pangkabilugang lebel it presyo it mga kalakal ag serbisyo.
Kon nagataas ro pangkabilugang lebel it presyo, mas sangkiri ro mabakae sa kada unit it kwarta.
Dugang pa ni Mangilog, nabuoe ro lebel it inflation pinaagi sa andang pagmonitor sa mga baeak-eonon halin sa prime commodities nga ginakaeakipan it mga pagkaon ag ilimnon hasta sa mga serbisyo.
Base sigon sa andang monitoring, mas madasig nga maghueag ro pagkaon, transport ag maabong iba pa ro may mabahoe nga epekto sa inflation.
Sa makaron suno kana, ro pinaka-average nga inflation sa Aklan halin ko buean it Enero hasta ko Agosto hay ro buean it Hulyo.
