Ginakabaeak-an makaron it mga pumueuyo ro pag-collapse it sangka porsyon it revetment wall sa bahin it Sitio Libuton nga sakop it Brgy. Bakhaw Norte, Kalibo.
Ginpahayag ni Kalibo Sangguniang Bayan member Agusto Tolentino nga mabuhay eon nga gina-apela kana it mga pumueyo it nasambit nga lugar ro amat-amat nga pagkatimpa it revetment wall nga kun siin pati ro estaka hay naaapektohan eon man.
Suno kana pangaywang kahigayunan eon raya nga nagpasa imaw it sangka resolusyon nga nagarequest sa Department of Public Works and Highways (DPWH) it insigidang aksyon angot sa nasamad nga revetment wall.
Kinahangean sigon nga maumpisahan eon ro improvement ag rehabilitation kara agud nga malikawan ro iba pang mga trahedya.
Angot kara, nagpadaea eon it sueat si Tolentino sa taeatapan it DPWH para sa nasambit nga request for rehabilitation.
Sa pihak nga parte, plano kara nga imbitahan ro DPWH nga talakayon sa session it Kalibo sangguniang Bayan angot sa isyu nga madaling pagkarumpag it mga revetment wall sa banwa it Kalibo.
