Opisyal eon nga gin-umpisahan ro inisyal nga paghigop sa 1.4 milyong litro it industrial fuel oil halin sa nag-eogdang nga MT Terranova sa Limay, Bataan, kapin sa 19 diyas eon ro nakataliwan halin kat nag-eogdang raya ko Hulyo 25.
Suno sa Philippine Coast Guard, target it initial siphoning nga mausisa ro daeagan it langis halin sa 8 tangke ag 24 nga tubo ag valves it nag-eogdang nga oil tanker.
Kaibahan sa initial siphoning ro hot topping, sangka procedure kon sa siin ginabutang ro pipe sa surface it tangke para sa pagsueod it tubi.
Sa pinaagi sigon it water flooding, ro langis sa sueod it tangke hay magasaka antes raya nga higupon.
Paathag ni Lt. Cdr. Michael John Encina, commander it Coast Guard Station Bataan nga pagabayluhan nanda ro langis it tubi para masiguro nga ro contaminants hay makakas mat-a ag inde kinahang-ean nga hueagon ro tanker.
Sa oras nga matumod ro flow rate, matumod man kon man-o kabuhay ro pagahimuon nga full-blown siphoning operation.
