Nagapangayo eon it initial report ro Department of the Interior and Local Government ukon DILG sa mga lokal nga gobyerno kon may napasa ro mga raya nga ordinansa nga nagamando sa mga establisyimento nga magbutang it close circuit television ukon cctv cameras.
May kaangtanan kara, ginpahayag ni sangguniang bayan member Augusto Tolentino nga ro banwa it Kalibo hay may aprubado nga ordinansa angot kara.
Sa kamatuoran suno kana bukon eamang it mga establisyimento ro andang ginrequired kundi ginduso man nana nga pati ro mga kabaryuhan hay mabutangan it mga cctv cameras para sa proteksyon it mga pumueoyo kamana man engkaso nga may insidente nga mag-eontad hay makilaea insigida ro responsable kara.
Importante sigon ro mga cctv cameras sa mga establisyimento eabi eon ag eapnaag ro mga salisi ag panakawan nga nagakinatabo.
