Bilang promo para sa pagsueod it Year of the Rabbit makaron nga January, nagpaguwa ro sangka sikat nga fried chicken fast food sa Thailand it insenso nga ro hugum hay fried chicken.
Kilaea ro nasambit nga fast food chain nga may secret recipe it fried chicken nga may sueod nga 11 herbs and spices.
Nakipag-team up ro fast food chain sa pilang scent and perfume experts sa Thailand para maka-obra it insenso nga kon sindihan hay nagahugum it bag-ong pritong manok.
Suno sa scent and perfume expert nga Sense Laboratory Co.,Ltd, naging challenge para sa andang mga chemist nga makopya ro hugum it sikat nga fried chicken.
Naggamit sanda it mga food flavorings ag seasonings halin sa 11 herbs and spices recipe agud nga ma-achieve ro eksaktong hugum it fried chicken.
Kapareho sigon ro insenso sa aroma kon magsueod ka sa sangka branch it fried chicken fast food chain.
Suno kay Pak Wansiri, CCO it fast food, gin-obra nanda raya agud nga mabo-oe nanda ro atensyon it publiko makaron nga Chinese New Year.
Sa makaron, owa ginabaligya sa publiko ro fried chicken incense.
Agud nga makabo-oe kara, kinahangean nga magpasakop sa raffle kun sa siin pwedeng magdaog it 32,000 baht ag sangka kahon it insenso.
