KALIBO, Aklan–Nagapadayon ro imbestigasyon it Makato Municipal Police Station angot sa insidente it panakawan kon siin sangka motorsiklo ro natigayon nga nasakyan it uwa makilaea nga suspek.
Suno kay PSSgt. James Padasas, imbestigador it Makato PNP Station nga ginkilaea ro tagreklamong si Rolando Gumban, kon siin ginpahayag sigon kara nga bandang alas-4:30 it hapon ko Setyembre 14 hay ana nga ginpark ro anang behikulo sa guwa it andang panimaeay nga nakakabit pa ro yabe ag ro anang helmet.
Dugang pa kara nga makataliwan ro daywang oras hay nadiskubrehan nga uwa eon ro nasambit nga behikulo kon siin natigayon raya nga matakaw nga uwa it may nakakita.
Ko ulihi sigon hay navideohan ro suspek nga nagpagasolina sa banwa it Altavas nga uwa nagbayad ag gilayon nga nagpaeagyo.
May kaangtanan kara, nagpadumdom ro pulisya sa mga pumueoyo nga inde maging kampante ag inde pag-aywanan ro behikulo nga nakakabit ro yabe.
Insigidang magreport sa mga awtoridad kon may mataeopangdan nga makadueoda nga tawo sa andang lugar.
