Kalibo Aklan ————-Sa pagsueod it tiempo it tag-uean, kaeabanan man ro mga insidente it thunderstorms kaibahan ro pagpangidlat nga makabig nga peligroso .
Ginpaathag ni Provincial Disaster Risk Reduction and Management Council (PDRRMO-Aklan) action man Galo Ibardolasa nga bukon it maeayo nga tumama ro kilat sa eugta kon maean ro tiempo.
Target sigon it kilat ro mga mataas nga bagay sa eugta .
Ro “lightning safety crouch” hay sangka pamaagi para maprotektahan ro kaugalingon engkasong maabutan sa open field it uean nga may kaibahan nga pagtama it kilat sa eugta.
Sa nasambit nga posisyon, kinahangean nga magku-ob samtang naka-squat, nakadukot ro daywang buko-buko , nagatil-id ag takpan ro daywang dueunggan .
Apang mas mayad sa gihapon nga kon makaangkon it kahigayunan hay magguwa sa open area kapareho it kaeanasan ag mag-usoy it mapanilungan.
Pila sa mga safety tips suno kay Ibardolasa kon nagapangilat hay ro pag-turn-off sa main switch .
Ro mga kuryente suno kana sa sueod it baeay hay halin sa mga poste sa guwa nga kaibahan sa target it kilat .
Posible raya nga magatuga it pagkasamad it mga appliances ukon pagkasunog it baeay bangud sa mataas nga boltahe .
Ko nagtaliwan nga mga inadlaw, sambilog ro patay sa banwa it new washington samtang naninahan man ro magmaeanghud sa banwa it Libacao sa pagtama it kilat .
