KALIBO, AKLAN — Nagtaas ro insidente it panakawan sa isla it Boracay sa unang tatlong buean it presenteng dag-on.
Sa interview it Bombo Radyo, ginpahayag ni Senior Inspector Jess Baylon, hepe it Boracay Tourist Assistance Center (BTAC) nga ginapadumdom kara ro mga nakikisadya sa LaBoracay hasta Mayo 2 nga bantayan it mayad ro andang mga kagamitan agud inde mabiktima it mga manakaw.
Suno pa kay Baylon nga kabilugang 175 nga kaso it theft and robbery ro naireport halin Enero 1 hasta it Marso 31 makarong dag-on.
Uwa pa sigon nakaeakip kara ro mga natabong krimen sa pagbuhos it mga bisita ko Semana Santa ko buean it Abril.
Ro mga manakaw sigon nga masaming nagabiktima it mga turistang dumueoong ag bisita ro nagata-o it sakit it ueo sa mga pulis.
Kaeabanan sigon nga nagataas ro krimen sa isla kada super peak season.
