Nagapati si Aklan first district board member Nemesio Neron nga ro natabo nga insidente sa Ayungin Shoal hay makabig nga pagpangharrass it China sa Pilipinas.
Raya hay matapos nga ginbully it mga Chinese coast guard ro Philippine Coast Guard matapos nga gintutukan nanda ro mga raya it military grade laser light nga nagatuga it temporaryong pagkabulag it aton nga mga coast guard.
Angot kara, ginakasubo it opisyal ro nasambit nga insidente kon sa siin inde dapat magpadaog daog ro Philippine government bangud nga kita ro nagapanag-iya it West Philippine Sea.
Bukon eon suno kana it makatarungan ro ginahimo it China apang kinahang-ean nga ipaagi sa diplomasiya ro tanan.
Sa pihak kara, ginkalipay nana ro padayon nga pagduso nga maging mandatory ro ROTC bangud nga sa raya nga pamaagi hay maging haom ag alerto ro tanan kon sa siin preparado sa maging anu man nga gyera.
Nauna eon nga ginpahayag it Armed Forces of the Philippines nga uwa it untat ro andang pagpatrolya sa West Philippine Sea
Sa pihak it pagpangharass it China hay madinaeag-on gihapon nga naipatuman it mga coast guard ro andang rotation ag resupply mission sa Ayungin Shoal.
