Bukon sigon it makatarongan ag bukon it bastante ro tatlong bueang phaseout period ro rekomendasyon it Senate committee report nga nagapanawagan para sa insigidang pagpasara it Philippine Offshore Gaming Operators (POGO) sa nasyon, suno kay Senador Sonny Angara.
Gin-insister ni Angara nga bukon it bastante ro tatlong buean para mapapundo eon ro operasyon it mga POGO sa Pilipinas, eabi eon sa may mabahoean nga kapital kara.
Mas rasonable pa sigon kung magataeana it mas mahabang panyempo para mapahalin ro mga POGO eabi eon ag ro gobyerno eon man ro nag imbita nga magakapital.
Ginpahayag pa ni Angara, dapat nga makaangkon it mas mahabang phaseout period para sa mga lehitimong POGO operator nga nagabayad it buwis ag employee benefits ag nagpondar it mabahoe nga kapital.
