KALIBO, Aklan — Ginpasalig it Department of National Defense nga pabaskugon nanda ro kooperasyon sa sektor it depensa bilang pagpahaum sa chairmanship it Pilipinas sa Association of Southeast Asian Nations ukon ASEAN sa 2026.
Angot kara, ginpahayag ni P/Major Lailyn Sencil, public information officer it Police Regional Office (PRO) 6 nga nagpatigayon it Inter-Agency Contingency Planning, Tabletop Exercise, ag Communication Exercise para sa pagahiwaton nga ASEAN Senior Economic Officials Meeting Retreat 2026 sa Isla it Boracay.
Ro pueong nga gintambungan it nagkaeain-eain nga ahensiya it gobyerno hay ginpatigayon sa Aklan Training Center sa Old Buswang, Kalibo, adlaw it Huwebes, Disyembre 4 it makaron nga dag-on.
Tuyo sigon kara nga mapabaskog ro koordinasyon, kahauman ag masiguro ro masaligan nga response mechanisms para sa nagahilapit nga international event.
