-- ADVERTISEMENT --
KALIBO, Aklan – – – Gina rekomendar it interior, environment ag tourism departments kay Pangueong Rodrigo Duterte ro “total closure” it isla it Boracay sa sueod it pilang buean agud taw-an it daean ro rehabilitasyon kara.
Sa joint announcement, gin hayag ni DoT Secretary Wanda Teo nga kinahangeang isarado ro Boracay it pilang buean para sa pagbutang sa ayos kara kasunod it problemang gina pangatubang it isla.
Posibli sigon nga isarado ro isla sa sueod it an-um nga buean ukon masobra pa.
Nakataeana man nga ipagowa it gobyerno ro desisyon sa Boracay sa maabot nga Marso 26.
