KALIBO, Aklan — Nakaangkon it pagpueong kahapon it hapon ro inter-agency task force “Save Boracay” agud makaangkon it consolidated report sa gina himong paglimpiyo sa isla it Boracay.
Suno kay Rowen Aguirre it Office of the Mayor ng LGU-Malay nga nakaangkon it kalituhan ro mga tawo eabi eon ro mga hotel ag resort owners bangud sa magka-iba ukon owa naga tugmang report nga gin pagowa sa media it Department of Environment and Natural Resources (DENR) ag ku andang taeatapan.
Mag eowas kara, nagtao man sigon it ibang datos ro Department of Interior and Local Government (DILG) ag Department of Tourism eabi eon sa numero it mga establisimentong nag eabag sa magkaeain-eain nga environmental laws.
Samtang, gin pahayag dugang ni Aguirre nga nagapadayun ro Malay municipal waste water management council sa pagbungkal sa drainage system sa isla agud masayuran ro kahimtangan kara ag matumod ro mga hotel ag resort nga iligal nga naka-konekta dikara.
Mag eowas kara, naga padayun ro andang validation sa mga dati eon nga naabisuhan sa andang pag eabag sa 25+5 meter easement maghalin sa bibi it baybayon.
Umapela man raya sa mga resort owners nga owa pa naka-comply nga magpatigayun eon it self-demolition.
