Ginlunsar it Philippine Army ro pagpatigayon it “internal probe” angot sa insidente it pagpamaril sa sueod it Camp Evangelista sa Cagayan de Oro City nga ginkamatay it limang sundado.
Kasunod raya it natabo nga shooting incident sa compound it Service Support Battalion sa nasambit nga lugar kahapon it bandang 1:10 it aga-aga.
Suno kay Philippine Army spokesperson Col. Xerxes Trinidad, nga nagapatigayon makaron it imbestigasyon ro 4th Infantry Division it Philippine Army angot sa nasambit nga insidente.
Tuyo kara nga matumod ro rason ag ro gintunaan it pagpamaril it sangka sundado nga kaibahan man sa namatay sa nasambit nga shooting incident.
Ginpasiguro man ni Trinidad nga may una sandang ginapatuman nga mental health program para sa bilog nga hukbo it Philippine Army.
Kadungan it pag-insister nga ro presenteng internal investigation nga andang ginapatigayon sa nasambit nga insidente hay tuyong makita pa ro mga posibleng naging lapses sa recruitment process ag training sa mga bag-o karang sundado para malikawan eon ro uman nga pag-angkon it makarondayang klaseng mga insidente sa masunod nga panyempo.
