NATIONAL News — Makataliwan ro 27 anyos hay nakataeanang magretiro eon ro internet browser it IT Giant nga Microsoft nga Internet Explorer makaron nga adlaw it Miyerkoles.
Raya hay kasunod man it pagpundo it support sa nasambit nga browser it Microsoft Teams ko November 2020 ag ko Microsoft 365 ko nagtaliwan nga dag-on.
Nasayuran nga ginpundo eon man ro pagbutang it bag-ong features sa Internet Explorer ko 2016 rason nga amat-amat raya nga gin-phase out.
Sa makaron hay may una nga “Microsoft Edge” nga suno kay Microsoft Edge program manager Sean Lyndersay hay ro ‘future it Internet Explorer’ nga makita sa latest operating system it kumpanya nga Windows 10.
Nauna eon nga ginpaguwa ro Internet Explorer ko 1995 bilang add-on package sa Windows 95 ag nailista ro peak usage kara ko 2003 nga naga-abot sa 95%.
Apang bangud sa pag-abu it mga bag-ong web browser halin sa nagkaeain-eain nga kumpanya hay amat-amat eon nga nagsaylo ro mga nagagamit kara.
