Ginpahayag ni Iranian Foreign Minister Abbas Araghchi nga eubos nga haom ro anang nasyon kun ingkaso uman nga sumikeab ro pakikipagsukoe sa United States matapos ibasura it Washington ro andag pitong adlaw nga plano para sa uman nga pagbukas it Strait of Hormuz.
Sa pihak kara, ginhambae ni US President Donald Trump nga naga-eaom imaw nga mag-angkon it dugang nga negosasyon sa Iran makaron nga dominggo samtang ginapamilit nga magiging madinaeag-on ro Washington sa kinagamo sa sueod it matag-od nga tyempo.
Samtang, mahugot nga ginpamalibaran it militar it US ro pahayag it Tehran nga naagaw it militar it Iran ro sangka modern underwater US drone sa mismong Strait of Hormuz.
Sa kaparehong kahogayunan, limang kaeaeakin-an man ro gin-aresto maeapit sa sangka pasilidad it airbase sa United Kingdom nga ginagamit it US sa operasyon kontra sa Iran bangud sa gina-alegar nga pagbuyot it armas ag kaangtanan sa terorismo.
