Ginpahayag it oil ministry it Iran nga nakabaligya sanda it $18 bilyon nga balor it langis sa tiempo it giyera ag kasunod it ceasefire sa Estados Unidos.
Suno sa ahensya, $11.5 bilyon ro kinita samtang may giyera ag $6.5 bilyon man sa tiempo it ceasefire nga ko ulihi hay uman nga nauli sa bakbakan.
Suno sa pahayag it ministry nga sakop kara ro masobra sa 60 percent it oil revenues forecast sa budget it dag-on sa tunga it krisis.
Sa pihak kara, ko ulihing parte it Hunyo, ginpahayag ni Iranian Parliament Speaker ag chief negotiator Mohammad Bagher Ghalibaf nga owa nakapag-export it langis ro Iran bangud sa blockade it Estados Unidos sa mga pantalan kara.
Nag-umpisa ro giyera ko Pebrero 28 matapos ro pag-atake it US ag Israel sa Iran, nga ginsabat man it Iran pinaagi sa pag-atake sa mga kaalyado it US sa rehiyon.
Nakaangkon it ceasefire ko Abril, apang uman nga nagtuhaw ro bakbakan ko Hulyo bangud sa banggi-anay sa kontrol it importanteng ruta nga Strait of Hormuz.
