Nagtanyag it pabuyang $66,100 ro Iran para sa sin-o mang makabulig nga madakpan ro missing airman sakay it US warplane nga ginpabagbag it Iran.
Uwa pa nasayuran sa makaron ro natabo sa missing American crew nga sangka weapon systems officer.
Rason nga ginhaeoghog it Iranian security forces ro rehiyon, kon sa siin ginaengganyo it Iranian officials ro andang pumueoyo nga usuyon ro US crew it buhi kadungan sa pagtanyag it pabuya.
Sa parte mat-a it US forces, padayon ro andang ginapatigayon nga search operations para makit-an ro missing crew.
Una kara, ginpahayag it Iran nga napabagbag nanda ro American A-10 Warthog fighter jet, samtang una sa search and rescue mission sa naunang napabagbag nga aircraft.
Eowas mat-a nga nakabakwit ro piloto halin sa aircraft sa may Gulf ag ko ulihi hay na-rescue.
