Maeapit eon nga maipatuman ro mandatory sim registration law.
Ro laye nga maga-obliga sa registration it tanan nga sim ukon subscriber identity modules.
Suno kay Senator Grace Poe, sa timetable nga gintao kana it Department of Information and Communications Technology (DICT), igapagguwa eon ro Implementing Rules and Regulations (IRR) it laye sa Disyembre 12 ag sa Disyembre 27 ro aktwal nga implementasyon.
Antes igapagguwa ro IRR, makaangkon anay ro DICT it public hearing sa Disyembre 5 para maipaathag raya sa stakeholders partikular sa mga telecommunications company.
Nasayuran nga nakabaehag sa mandatory sim registration law nga kinahang-eain nga irehistro ro mga sim sa sueod it 180 adlaw nga pwedeng paeawigon it dugang nga 120 days depende sa kinahang-eanon.
Ginduso ro nasambit nga laye bangud sa mga krimen nga ginagamitan it prepaid sim kapareho it eapnaag nga text scams.
