KALIBO, Aklan – – – Naga pabiling “business as usual” sa isla it Boracay kasunod it pagbuhos it mga turista bangud sa Chinese New Year kun siin mas pinili it kaabuan nga mag-long weekend sa isla.
Sa makaron suno kay Jetty Port Administrator Nieven Maquirang hay indi pa mabatyagan ro epekto it naging pahayag ni Pangueong Rodrigo Duterte nga nauna eon nga gina kabaeak-an nga makasamad sa imahe it gin bansagan bilang sambilog sa pinakamanaming agtunan nga bakasyunan sa bug-os nga kalibotan.
Posibli sigon nga sa madason nga dominggo pa masayuran engkasong naapektuhan ro tourist arrivals nga nakadepende sa maga reflect sa andang data.
Gin hayag pa kara nga sa makaron hay puno sa gihapon it mga turista ro front beach it isla.
Samtang, gin pasiguro ni Maquirang nga naga bueoligan eon ro tanan nga gin manduang ahensiya nga magatutok sa pagtao it solusyon sa problema it sewerage system sa isla it Boracay.
