KALIBO, Aklan—Paga-istoryahan makaron nga adlaw it mga natungdan nga law enforcement agency ro pagpasanyog pa gid sa anda nga organisasyon ag grupo kontra sa pagdakop sa mga violators sa isla it Boracay.
Raya hay kasunod sa pagkaeakip it Boracay sa mga pilot areas nga igapatuman ro waeong buean nga smoking ban sa mga tourist destination sa Pilipinas nga ginlunsar it Department of Health ag Smoke Free Aklan.
Suno kay Manocmanoc punong barangay Nixon Sualog, haeos tanan sigon nga sa idaeom it anang pagdumaea hay may koordinasyon sa anang taeatapan ag paga-istoryahan nanda raya kaibahan it Department of Enviroment and Natural Resources ukon DENR Aklan para maamligan ro bilog nga isla.
Ginatan-aw nga magiging eye sore ro mga upos it sigarilyo sa mga bibi it baybayon engkaso nga inde eagi matapna ro mga violators.
Nauna eon nga ginpahayag it Smoke Free Aklan nga alarming ro pag-inabo it mga upos it yosi nga nakikit-an sa idaeom it puno it kahoy nga ginapilak it mga violators matapos raya nga hithiton.
