Kalibo Aklan ——–Parehong ginkalipay it lokal nga gobyerno it Aklan ag Malay ro pagpasugot eon it Boracay Inter-Agency Task Force nga buksan ro Isla sa mga turista umpisa sa Oktubre 1, adlaw it Huwebes.
Ginpahayag ni ni Aklan Governor Florencio Miraflores nga mabuhay eon nanda raya nga ginpahauman.
Kinahangean sigon nga magpa-rehistro anay ro mga turistang paagto sa Boracay bilang kaparte it health and safety protocols sa tunga it COVID-19 pandemic.
Obligadong magpakita it negatibong resulta it RT-PCR test, tatlong araw ukon 72 hours bago ro bakasyon it mga turista.
Samtang, ginpahayag man ni Malay Mayor Frolibar Bautista nga ginpaeawig umpisa alas-6:00 it agahon hasta alas-7:00 it gabi-i ro pagpaligos sa baybayon agud nga mataw-an it kahigayunan ro mga gustong mag-night swimming.
Sa baylo nga hasta alas-11:00 it gabi-i, ginatun-an nga ma-extend ro curfew hour hasta alas 12 it tungang gabi-i ukon alas-2:00 it aga-aga depende pa sa makasugtanan it technical working group.
Samtang, ginpahayag pa ni Governor Miraflores nga ginapasugtan man ro mga foreign tourists, kun sa siin ro Boracay suno kana ro magiging kauna-unahang halimbawa it leisure travel bubble sa Asya.
Limitado eamang halin sa Caticlan Airport hasta sa jetty port ag patabok sa Isla ro mga turista eabi eon ro mga foreign tourist nga sakay it direct flight.
Target nanda ro mga turistang halin sa South Korea, Taiwan ag China.
Ginpabugae man ni Miraflores nga mag-eowas sa pag-angkon it COVID-19 testing laboratory hay nagapabilin nga COVID-19 free ro Isla it Boracay.
Samtang, gin-engganyo man ni Mayor Bautista ro tanan nga saksihan ro kaanyag makaron it Isla it Boracay.
