Kalibo Aklan ———-Haum eon ro Isla it Boracay sa pagbaton it mga International tourists sa unang quarter it masunod nga dag-on 2021.
Ginapatihan nga pinaagi kara hay mas pang mapabaskog ro industriya it turismo sa nasyon partikular sa Boracay.
Suno sa Provincial Health Office (PHO) Aklan nga nahimo it Isla nga dumaeahan it maayos ro global health crisis pinaagi sa mas hugot nga safety protocols para sa kaeuwasan it kada isaea kontra sa nagapadayun nga paeag it Coronavirus Disease 2019 (COVID-19) pandemic.
Sa ginpatigayun nga “Together as One” webinar series nga gin-organisa it Department of Tourism (DOT) nga naga-bida sa Boracay para sa Vietamese travel and tour operators, ginpahayag it PHO-Aklan nga haum eon ro Isla sa pagbaton it mga foreign tourists eabi eon ag nagapabilin rayang COVID-19 free.
